منتديات Nibrasm Plus ترحب بالزوار الكرام حياكم الرحمن ‘‘‘ أهــلا و سـهـلا ‘‘‘ بكم

يا وردتي M

استعرض الموضوع السابق استعرض الموضوع التالي اذهب الى الأسفل

يا وردتي M

مُساهمة من طرف LOVER في السبت مايو 28, 2011 1:19 am


يا وردتي
الوردة اللي تعلت فوق كل الزهر #

#
ما باقي(ن) غير قطفتها بتوقيتها

والورد تعرف ما هو مثل بواقي الشجر #

#
يبغى مراعاة وانا حيل راعيتها

طالت واخذ لونها يزداد لون(ن) حمر #

#
محفوظة(ن) عن غبار الجو في بيتها

والسالفة يوم جيت اليوم والى الامر #

#
مقطوفة(ن) وردتي يا ليت ما جيتها

صدمة ووقفت قلت يجوز خان النظر #

#
وبعد التأكد وقفت اقول يا ليتها

يا ليتها قبل تقطف لو عطتني خبر #

#
والله ما احد(ن) يجيها يوم حبيتها

بأيات حق(ن) وانا معها وهي من صغر #

#
تعطى لغيري وانا منهم تحريتها

قطفت ومعها قطف نومي وحل السهر #

#
يا حيف راحت وانا ما يوم شميتها

اسقيتها عذب صافي مثل مي المطر #

#
لو اعرف الخاتمة يا ذيب ما اسقيتها

من قصر الفعل يغني عنه صدق العذر #

#
واعذارهم رحت حتى ما توحيتها

وقعت منها ومعها وبعدها بالسفر #

#
كم ديرة(ن) مع صلاة الصبح طبيتها

اسري بظلما ونوب مخاوي(ن) للقمر #

#
وكم ليلة(ن) حندس(ن) بالبرد قاسيتها

اشوف نجم(ن) سرى واشوف نجم(ن) ظهر #

#
وثوابث(ن) لله الحكمة بتثبيتها

اعد واغلط ولو عدي بليا كسر #

#
وش فايدة لو لي القدرة وعديتها

ضايق واحاول اخفف من فؤادي قهر #

#
كم من قصيدة بتالي الليل غنيتها

مجالها عايشه من حينها للقبر #

#
على الركايز تسجل كاني انهيتها

يكتب عليها بليهيد العتيبي خسر #

#
غنيمة(ن) خسرتني يوم خزيتها

يا ذيب اثرني طوال الوقت اصب ببحر#

#
ومن قهرتي قربتي بالحال شقيتها

أهل الحسد خلها تفرح طوال العمر #

#
بينتها لجل ما يقولون خفيتها

عايش بليا هدف سايح بليا مقر #

#
وكم وردة(ن) بعدها جتني ورديتها

اسباب وردة تعلت فوق كل الزهر #

#
لو اعرف بخاتمتها كان ما اسقيتهاوسلامتكم
http://www.youtube.com/watch?v=zv2b9nXyF1E
المرفقات
_1_~1_~1.JPG (13 Ko) عدد مرات التنزيل 25
avatar
LOVER

عدد المساهمات : 18
تاريخ التسجيل : 28/05/2011
العمر : 28

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى